جورج عبد المسيح يكتب شعر: اللي خلا الشمس غابت Reviewed by Momizat on . اللي خلا الشمس غابت من سمانا مش برئ اللي خدنا معاه في سكه من غير معالم او طريق لو سألنا في يوم وقلنا إحنا رايحين فين يا عم ؟ كان ساعات يعمل أصم اللي خلا شعبه جا اللي خلا الشمس غابت من سمانا مش برئ اللي خدنا معاه في سكه من غير معالم او طريق لو سألنا في يوم وقلنا إحنا رايحين فين يا عم ؟ كان ساعات يعمل أصم اللي خلا شعبه جا Rating:
انت هنا : الرئيسية » مقالات » جورج عبد المسيح يكتب شعر: اللي خلا الشمس غابت

جورج عبد المسيح يكتب شعر: اللي خلا الشمس غابت

جورج عبد المسيح يكتب شعر: اللي خلا الشمس غابت

اللي خلا الشمس غابت
من سمانا مش برئ
اللي خدنا معاه في سكه
من غير معالم او طريق
لو سألنا في يوم وقلنا
إحنا رايحين فين يا عم ؟
كان ساعات يعمل أصم
اللي خلا شعبه جاهل
او مريض محتاج لدم
اللي خلا العيشه هم
العيون سارحه وشارده
والقلوب عايشه في غم
اللي كرّهنا في حياتنا
ومعدش ليها طعم
كل ده ويقول برئ
عصره كان هوان وضيق
لو في يوم الحلم صّبح
بأيديه بيموت غريق
لو هتسرق يوم وطن
من غير عقاب ولا ثمن
أسرقه وخليك جرئ
في بلاد زي البلد دي
ناس كتير هتقول برئ

© 2013 Developed by URHosted

الصعود لأعلى