جورج عبد المسيح يكتب لشهداء ليبيا: أيه جرالك
إيه جرالك
إيه اللي كان بيدور في بالك
صوت عيالك
والا امك
اللي كانت محتاجالك
لما كنت واد صغير
ويبقي فيه إحساس يحير
لما كانوا يخوفوك
كنت تمسك ايد ابوك
كانوا يجروا وبسيبوك ..
ولما كبرت حبه حبه
قابلت نوع من المحبه
بطلت تجري وتستخبي
وابتدي يكبر ايمانك
في اللي جه ومات عشانك
اللي عمره في يوم ما خانك
والنهارده
الدنيا كانت واقفه شاهده
ع الثبات ده وانت اهدي
في لحظه اصعب من خيالك
واحتمالك
إيه اللي كان بيدور في بالك ؟؟
طب هو جاوب عن سؤالك
والا هو بنفسه جالك …
