نشأت نصر يكتب: مسافر السما بكره Reviewed by Momizat on . عيشها كإنك سايبها بكره بس بجد كل واحد يتخيل كده، و يقول لنفسه كده أنا هسافر السما بكره .. أعمل إيه كل يوم تصحى من النوم إعرف إن ربنا لسه بيديلك فرصه إستغلها صح عيشها كإنك سايبها بكره بس بجد كل واحد يتخيل كده، و يقول لنفسه كده أنا هسافر السما بكره .. أعمل إيه كل يوم تصحى من النوم إعرف إن ربنا لسه بيديلك فرصه إستغلها صح Rating:
انت هنا : الرئيسية » مقالات » نشأت نصر يكتب: مسافر السما بكره

نشأت نصر يكتب: مسافر السما بكره

نشأت نصر يكتب: مسافر السما بكره

عيشها كإنك سايبها بكره بس بجد كل واحد يتخيل كده، و يقول لنفسه كده أنا هسافر السما بكره .. أعمل إيه كل يوم تصحى من النوم إعرف إن ربنا لسه بيديلك فرصه إستغلها صح و خليك شاطر و إفهم الحقيقه و فتح عينيك و إسأل نفسك مشغول عن إلهك بإيه !!
بعيال !! بمال !! بشغل و طموح !! بشكوى و حزن !!
بعربيات و شقق و فسح و خروج و شله و بنات و شات و روقان و شوية قهوه في فنجان و من حنيته و محبته ليك لسه بتصحى من نومك !!
لأنه لا يشاء موت الخاطي مثلما يرجع و يحيا

السؤال و بسأله بمنتهى الحب مش الوعظ 💖 هتتغير إمتى ؟؟
و المشكله إن إللي عايش كده فاهم إنه حر ميعرفش إنه عبد و مربوط بسلاسل 🔗🔒
مهما قولت فهمك عشان محدش عاشها قدي .. بس فجأه ( بلعني حوت 🐳 ) و إستوعبت و فوقت و توبت
و صرخت فمد إيديه و خرجني من بطن الحوت بنفسه و لقيته هو المركب و المرسى و القبطان فسيبتله الدفه
خاااااااالص يمشيها زي ما يحب و دوري من دلوقتي ” أنفذ مشيئته ” لقيت العكس هو الصحيح و لقيت كلامه صح ..
مش هو قال ” نيري هين و حملي خفيف ” لقيت طريقه مش صعب بالعكس ده من غيره
الحياه أصعب بكتييير مسئولياتك و بيتك و كل ضغوطاتك موجوده لكن من غيره شكوى و أرف و خنقه و ملل و مهما
كانت الإمكانيات عدم الرضا دايمآ موجود و مافيش بركه و تقريبآ مافيش حياه !!
لكن معاااااااه في حيااااااااه فيه هدوء و سلام مهما حصل فيه تسليم بإرادته إنها هتكون و هتحصل مهما عملت ..
و لقيت كلمة السر ( مسافر بكره ) هو إللي قاللي عليها عشان أعرف أعيش معاه و أعمل إللي عليا بحب
و محبته أنقلها للناس و أحكيلهم عن سلامه و رقته و حنيته و قلبه الكبير إللي بيساع كل الناس ..
أعيش معاه كل يوم و يوم بيوم ما أنا ( مسافر بكره ) رسالتي ليكم لما تقوموا من النوم 🛌
إفهموا إن لسه فيه فرصه و فكروا كويس أوي ( أخرتها إيه ) و لما تجاوب نفسك بصراحه و تعرف إن
( لا منفعه تحت الشمس ) إجري عليه و إترجاه يقلب صفحة حياتك و عمرك إللي عدى و هو هيسامحك
مهما كنت و مهما عملت و هيقبلك و هيحررك من كل قيودك 🔓🔑 بس إنت كمان إتحرر سامح و إغفر للناس
كون سند للضعيف و المحتاج إتكلم و قول دايمآ عن مجد الله في حياتك إفرح بقيامتك من الموت
و إنقل سعادتك و فرحتك للناس و قولهم إنك كنت ضال و رجعت و أبوك قبلك و حضنك و لبسك لبس جديد 💫
أنشر محبته في كل قلب و كل حد تقابله و تقعد معاه خليك صورته و مثاله بجد عشان إنت مستحق
و ياريت تفهم كده إنت ربنا كرمك عن الملايكه نفسهم 😇 و عن كل المخلوقات قدسك و طهرك لإنك إبنه القريب
من قلبه و بيتمنى يشوفك دايمآ في أبهى صوره و يكون فرحان بيك في سماه ..
صدقوني و عن تجربه و خبره ( الدنيا دي ماتسواش ) متبكيش عليها و لا تحبها و لا تحب حد فيها مهما كان
أكتر من ربنا قوم إرجع و إترمي جوه حضنه و إنت تحس بطعم الحياه بجد تحس يعني إيه حب 💖
يعني إيه سلام في حضن ملك السلام 👑و سلام رب المجد يكون معاكم
أمين

© 2013 Developed by URHosted

الصعود لأعلى