نشأت نصر يكتب: لو عايز تفهم إقرا المكتوب
عشان تهدى من ناحيتنا يا أستاذ متأسلم أو سلفي أو مسلم عايش وسط قطيع خرفان فكره تكفيري و عايشين يا عيني في وهم مصر الإسلامية أو حلم الخلافه اللي بعيد عن شنبك
أو إنك بكلامك هتضايقنا أو بأفعالك هنسيبهالك مخضره تبقى بتحلم و مش فاهم
كلامي موجه
لكل إرهابي مصري يطلع في أي قناه يكفرنا أو حتى يفكر
لكل إرهابي مصري يمد إيده على قبطي لمجرد ديانته
لكل إرهابي مصري وهابي الفكر و المذهب و العقيده
لكل إرهابي مصري وظيفته ” شيخ ” و دايمآ كلامه طائفي
لكل إرهابي مصري قاعد في كشك في المترو و بيفتي
بنجاسة الأقباط معنويآ
لكل إرهابي مصري بيعلم إبنه الدين غلط بيك الإرهاب مستمر
لكل إرهابي مصري متعسف في بناء كنائس أو أديره
لكل إرهابي مصري بيجري يبني جامع جنب أي كنيسه
لكل إرهابي مصري بسببه مافيش لعيبة كوره مسيحيين و
بسببه أوائل دفعاتهم في الكليات لو مسيحيين مش بيتعينوا
و بسببه لينا نسب معينه لدخول كليات زي الشرطه و الجيش و حتى مجلس الشعب كأننا فصيل غير مسموح له بالحياه إلآ في أضيق الحدود .
لكل إرهابي مصري ساكت و مستني فرصه و دول كتير
لكل إرهابي مصري بيشوف الصليب على الإيد وشه بيتقلب
كلام نهائي
– شوفت واحد مسيحي كفرك قبل كده مش هيحصل
– شوفت مسيحي قتل واحد بس عشان مسلم مستحيل
– شوفت واحد مسيحي خطف بنت مسلمه و أجبرها على
دخول المسيحيه و الأمن كلم أبوها قاله بنتك دخلت دين الحق !!
– شوفت كاهن مسيحي قاعد في كشك في مترو بيقول
للناس إن المسلم نجس معنويآ و لآ ماديآ !!!
– شوفت ظابط شرطه مسيحي عذب مسجون مسلم و
موته في الحجز و القضيه ماتت معاه و حقه كمان !!!
– شوفت ظابط جيش مسيحي جمع الظباط و العساكر المسيحيين و عذبوا مجند مسلم و موتوه لمجرد إنه مسلم
– شوفت مسيحيين مسكوا واحده ست كبيره مسلمه و
عروها في الشارع لأي سبب و في الآخر حقها يضيع علنآ و
البلد تتاجر بشرفها زي ما حصل
– شوفت واحد مسيحي فجر نفسه في جامع قبل كده و لا
بسكينه ضرب فرد أمن جامع و موته !!!
عمركم جربتم إحساس دفنكم تقريبآ ل 100 واحد كانوا
جوه جامع بيصلوا و خرجوا جثث و أشلاء !!
و محدش يقولي إرهاب عشان شيوخ مصر بيقولوا عليا
في التليفزيون كافر و في المترو نجس خلاص ناقص
يرجموني أو يقيموا عليا الحد ” حاجه تقرف بصراحه “
و محدش يقولي شهدا جيش و شرطه عشان محبش حد
يزايد على حب الأقباط لمصر اللي لولا حبهم لبلدهم كانت
ولعت من زمان بسبب الضغط و الأرف إللي ” العمم “
معيشانه فيه بفضل تعاليمهم الإرهابيه و فتاويهم الناريه
و للأسف ده مش ضعف مننا لكن عشان مكتوب
” أحبوا أعداءكم باركوا لاعنيكم أحسنوا إلى مبغضيكم و
صلوا لأجل اللذين يسيئون إليكم ” مكتوب كمان ” لكي
يروا أعمالكم الصالحه فيمجودا أباكم الذي في السموات “
كلامي لتوضيح عيوب بلدي و محدش يرد بأي مثال بره
مصر بلا غرب بلا شرق لما نتنيل نحل مشاكل بلدنا نبقى
نعرف بره بيعملوا إيه و إيه سلبياتهم و إيه إيجابياتهم .
خلي الأزهر مبرطع برجالته لما نشوف مودي البلد على فين
لو فهمتوا إللي قولته هتفهموا العيب في مين
كده الكلام خلص سلام يا مصريين
