جورج عبد المسيح يكتب شعر: ياريتها ردت
الصبح جه والشمس شدت
حبيبتي ماشيه قدامي عدت
قلت اهلا ما لقتش سهلا
مقلتش كلمه ولا حتي ردت
مشيت وراها لقيتها ضحكت
بصت عليا وبسرعه مدت
الفرحه هالّه والشمس طالّه
وانا قلبي عاشق
لا كان بيلعب ولا يتسلي
لا قسيت عليها ولا بتجني
سابتني واقف هنا بستني
الشمس غابت وسنيني شابت
والعمر عدي وانا بتمني
يا ريتها ردت يا ريتها صدت
ومضعش قلبي بين نار وجنه
