جورج موسي يكتب قصيدة ” بتوحشيني” Reviewed by Momizat on . بتوحشيني صوت شوارعك في المسلسلات بيصحي جوايا وجع البعاد وبلاقيكي بتوحشيني أه بتوحشيني وبيوحشني أللي عايش فيكي وأللي مات فبتوجع من صوت شوارعك في المسلسلات من غير بتوحشيني صوت شوارعك في المسلسلات بيصحي جوايا وجع البعاد وبلاقيكي بتوحشيني أه بتوحشيني وبيوحشني أللي عايش فيكي وأللي مات فبتوجع من صوت شوارعك في المسلسلات من غير Rating:
انت هنا : الرئيسية » مقالات » جورج موسي يكتب قصيدة ” بتوحشيني”

جورج موسي يكتب قصيدة ” بتوحشيني”

جورج موسي يكتب قصيدة ” بتوحشيني”

بتوحشيني

صوت شوارعك في المسلسلات

بيصحي جوايا وجع البعاد

وبلاقيكي بتوحشيني

أه بتوحشيني

وبيوحشني أللي عايش فيكي وأللي مات

فبتوجع من صوت شوارعك في المسلسلات

من غير عتاب

من غير حساب

بتوحشيني وأنا أللي سايبك

بتوحشيني رغم أللي صايبك

متسأليش ! متستغربيش

من غيري عايشه

وأنا من غيرك بحاول أعيش

فمتسأليش ! و متستغربيش

حفرتي جوايا صوت زحمة شوارعك

وصوت زفة العرايس والطبلة والمواويل

ووقفة طابور العيش و شمس الأصيل

وصوت بياع الأنابيب بينادي بمفتاحة

وصوت بياع الفاكهة بينادي علي تفاحه

وريحة طبيخ أمي يوم العيد وقعدتنا

 علي الطبلية الخشب أللي جمعتنا

ولا ميت سُفرة في بلاد العجايب

تساوي قعدة طبلية مع الحبايب

فمتستغربيش لما أقول

بتوحشيني وأنا أللي سايبك

ما أنتي أللي حفرتي جوايا

 صوت زحمة شوارعك

لمة صحاب علي مصطبة والشاي وجب

يا محلا شرب الشاي علي الأعتاب

ويا محلا قعدة الصحاب علي الأعتاب

شوية هزار علي جد علي حبة عتاب

توليفة كدة مصرية لكن التوليفة عجب

لما يتلم حبة صحاب علي مصطبة

يتلموا والشاي وجب

© 2013 Developed by URHosted

الصعود لأعلى