جورج موسي يكتب شعر: فعله الماضي كله أمر Reviewed by Momizat on . فعله الماضي كله أمر ومضارعه ذُله مُر مضاف إليه يقف وحيد حابب يكون وسط العبيد ويا البواقي يعيش بعيد والبواقي كالهوامش يموت وهو لسه عايش ودوره كهامش مش جديد مفعول فعله الماضي كله أمر ومضارعه ذُله مُر مضاف إليه يقف وحيد حابب يكون وسط العبيد ويا البواقي يعيش بعيد والبواقي كالهوامش يموت وهو لسه عايش ودوره كهامش مش جديد مفعول Rating:
انت هنا : الرئيسية » مقالات » جورج موسي يكتب شعر: فعله الماضي كله أمر

جورج موسي يكتب شعر: فعله الماضي كله أمر

جورج موسي يكتب شعر: فعله الماضي كله أمر

فعله الماضي كله أمر

ومضارعه ذُله مُر

مضاف إليه يقف وحيد

حابب يكون وسط العبيد

ويا البواقي يعيش بعيد

والبواقي كالهوامش

يموت وهو لسه عايش

ودوره كهامش مش جديد

مفعول به كان أصله فاعل

وكان له سطوة ويا الفواعل

بس هي تدوم لمين؟!

دنيا فانية ترفع سنين

وفي ثانية أسفل سافلين!

ده حرف جر ومش بأيده

الزمن بيجرجر عبيده

لو أصله حر عمره ما يركع

وبلقمة ناشفه برضه هيشبع

ولو حتى شهد الدنيا جاله

مرفوع براسه مش بماله

ولا عمره يركع غير لسيده

وسلام لكل أصيل وحُر

ولا عمر حد جره جر

ماضيه مضارعه ده شئ يشرف

معروف تاريخه ولا يُعرَّف

تمييزه واضح تمييز يسُر

غير اللي ماضيه كله أمر

نكرة ومضارعه ذُله مُر؟!

© 2013 Developed by URHosted

الصعود لأعلى