نسرين جمعة تكتب: دستور Reviewed by Momizat on . دستور ...كلمة المصرى الأصيل فى أى بلد فيك يا مصر , كلمة بتتقال تدل على إن شخص ما على الباب و بيستأذن فى دخول البيت , و يستنى الرد من أهل البيت , اتفضل , أهلا وس دستور ...كلمة المصرى الأصيل فى أى بلد فيك يا مصر , كلمة بتتقال تدل على إن شخص ما على الباب و بيستأذن فى دخول البيت , و يستنى الرد من أهل البيت , اتفضل , أهلا وس Rating:
انت هنا : الرئيسية » مقالات » نسرين جمعة تكتب: دستور

نسرين جمعة تكتب: دستور

نسرين جمعة تكتب: دستور

دستور …كلمة المصرى الأصيل فى أى بلد فيك يا مصر , كلمة بتتقال تدل على إن شخص ما على الباب و بيستأذن فى دخول البيت , و يستنى الرد من أهل البيت , اتفضل , أهلا وسهلا , نورت الدار و أسئلة عن حاله و حال الأهل و الأقارب و الأحباب و الأصحاب , الغرض من الأسئلة ليست المعرفة قدر ماهو تعبير عن الاهتمام بالجميع و هو نوع من الترحيب بالضيف .

ركزت شوية ليه العرف درج فى بلادنا الجميلة على قول دستور قبل الدخول , و بما إن اللحظة دى نجم الساعة هو دستور مصر الجديد و المفترض إنه أساس لمصر الجديدة بعد ثورتين اتدفع فيها دم و عمر من حياة المصريين , قد يكون الذكاء الاجتماعى الفطرى للمصريين لما يقول دستور , يبقى بيتفق على قواعد أساسية فى التعامل قبل دخول البيت , مش مجرد اذن للدخول , لازم كمان القبول و اعطاء الأمان للطرفين .
الدستور اتكتب , و بيتعرض على رئيس الجمهورية , ده اتفاق فى قواعد أساسية , اللى حيحكم مصر لازم يستأذن , حنقول اتفضل و نرحب به أو لأ على أساس هذا الدستور.

أكيد اللى كتبه بشر مش ملائكة , و أكيد فيه ثغرات , المؤكد بقى إن اللى فات مابيرجعش , و إن حتى لو الدستور فيه عيوب ما , حنتغلب عليها حسب احتياجنا هو مش منزل و لا مقدس , لكن مهم جدا يكون عندنا دستور , مهم جدا نبدأ نشتغل على أسس و قواعد , لو نحس بأهلنا اللى نسبتهم النصف تقريبا من الشعب المصرى تحت خط الفقر, نعرف إننا لازم نجرى فى خطوات البناء , لن يحتمل الفقير رفاهية الجدال و النقاش سياسيا , مع كل التحديات الداخلية و الخارجية علينا تجاوز المرحلة بما لها و ما عليها

همسة لك يا ابن بلدى بالخارج رجاء اذهب للتصويت على دستور مصر , لتقرئه بامتعان , سجل ملاحظاتك , تدبر الأمر جيدا ,
هذه هى من أهم اسهاماتك فى المشاركة فى بناء مصر , إن كنت خارج الوطن , فالوطن بداخلك , لأنك ببساطة مصرى .

دستور ياقراء جود نيوز.
نسرين جمعة
nesrinegomaanetwork@gmail.com

© 2013 Developed by URHosted

الصعود لأعلى