الدم طرطش علينا مالي هدومنا وايدينا هو احنا غلطنا وعصينا ولا ذنب بسببه قاسينا ؟ الدم مــش عايز يسيبنا قدرنا هو ونصيبنا يا عّم يا اللي كارهنا وايديك بتزرع قنابل فرحان وانت دابحنا وبموتنا راضي وقابل فكرت مره تقابل حد بشرك ده راضي مهما بكرهك تعادي فاتح دائما دراعه ومادد ليك الايادي ...

أنتو اللي ربيتوا الوحوش مبقوش يخافوا ما بيختشوش داروا العيون داروا الرموش غطوا الوشوش كل ده مبقاش هينفع او يحوش اللي دارت شعرها .. واللي عايزه تعيش جمالها وعمرها .. مابيفرقوش قدام وحوش مسعوره عايشه بشرها .. ما بيرحموش ما تربوا جيل عاشق / للموسيقي والجمال يحب يقرأ يحب يسرح بالخيال ومتخافوش هيبقي جيل في النطاعه والتخلف ده ملوش ...

امهات ام حبت للنهايه العطاء برهان وآيه وام ضحت للمات ام صبرت ع اللي فيها ومحدش حس بيها وام شكوتها السكات ام عايشه يدوب بحسك حتي وانت بعيد تحسك مستعده تموت عشانك ولا شر في يوم يمسك وام حياتها الذكريات الايام تجيب تودي وهي عايشه بس تدي في حبك انت العمر فات حبها اصله مبادره رغم الضعف اللي ماليها وزمانها معدش ليها في العطاء بتبقي قادره هو ده معني الامومه وحال جميع الامهات ربنا يخلي اللي عايش ونور ورحمه ع اللي م ...

تباني يا مصر محتاجه ناقصك كام مليون حاجه وماليكي الغلب والحاجه تبان الدنيا نسيانه احلام ممسوحه بهتانه الناس تعبت وشقيانه يزيد الحزن والحيره ونرضي بالهموم جيره الاوجاع / بقت سيره وانت وحيده واسيره ورغم الدوخه والكفيه والضحكه طالعه بالعافيه بتوحشني لياليكي وتوحشني قلوب دافيه بلاقي الراحه في عنيكي وانسي همومي والاقيكي بس الفرحه مش كافيه ...

إيه جرالك إيه اللي كان بيدور في بالك صوت عيالك والا امك اللي كانت محتاجالك لما كنت واد صغير ويبقي فيه إحساس يحير لما كانوا يخوفوك كنت تمسك ايد ابوك كانوا يجروا وبسيبوك .. ولما كبرت حبه حبه قابلت نوع من المحبه بطلت تجري وتستخبي وابتدي يكبر ايمانك في اللي جه ومات عشانك اللي عمره في يوم ما خانك والنهارده الدنيا كانت واقفه شاهده ع الثبات ده وانت اهدي في لحظه اصعب من خيالك واحتمالك إيه اللي كان بيدور في بالك ؟؟ ...

تاريخنا هيفضل فاكر معاذ مات واتحرق سنينه ضاعت و عمره اتسرق بنظره عنيه الحلوه اللذاذ النار مش هتحرق أبدا معاذ بروحه الجميله وقلبه الفولاذ هو اللي باقي وغيره نشاذ حبه وحوش من غير مشاعر متأثروش داروا الوشوش او متدروش بكره هيجي بسيفه عليكم ينقذ بلادنا من بين أيديكم ويكسر حتي اللي واقف حاميكم زي ما نكسر حبه إزاز وملكوش ملاذ ونرجع نغني بشوق واعتزاز ويفضل معاذ رمز التحدي وهو اللي فاز ...

بتغير عليك من واحده حلوه ولابسه شيك من نظره طالت من عنيك من ماضيك اللي نسيته بس هو مش ناسيك من بنات بيحبوا ضحكك وساعات بيدوبوا فيك دي تساعدها في وقت ضيق و اللي معتبراك صديق من واحده جابت مره سيرتك واللي بتفكرها بيك واللي مش بتحس بيها وهي دائماً حاسه بيك واللي بعنيها تناديك شايفه كل بنت حلوه جايه بتقاسمها فيك وهي مش بتطيق شريك حاسه ان الدنيا فرخه وانت وحدك بس ديييييك وانت عارف بحر حواء كان كبير دائماً عليك ك ...

لسه في قلبي حبه دموع أقوله يا قلبي طفينا الشموع يقولي لكني هواها ساكني وعايش كإني محبوس لوحدي بين الضلوع اقوله أجمد وبطل خضوع ع البحر اديني فردت القلوع عايش انيني بصارع حنيني والريح بتبعد ما بينها وبيني انسي كل اللي عشته معاها فرحها وبكاها وسنين هواها مصيرنا هنرسي بعيد عن سماها ياريتك تنزل كل الدموع دي حكايه وخلصت ومفهاش رجوع ...

اللي خلا الشمس غابت من سمانا مش برئ اللي خدنا معاه في سكه من غير معالم او طريق لو سألنا في يوم وقلنا إحنا رايحين فين يا عم ؟ كان ساعات يعمل أصم اللي خلا شعبه جاهل او مريض محتاج لدم اللي خلا العيشه هم العيون سارحه وشارده والقلوب عايشه في غم اللي كرّهنا في حياتنا ومعدش ليها طعم كل ده ويقول برئ عصره كان هوان وضيق لو في يوم الحلم صّبح بأيديه بيموت غريق لو هتسرق يوم وطن من غير عقاب ولا ثمن أسرقه وخليك جرئ في بلا ...

انا بعترف من يوم ما شفتك وانا شخص تاني مختلف كنت غاوي بنات كتير ومكان ما راحوا انا كنت بمشي وكنت أسير واعمل أسير واغضب واغير واشحت عشانهم واستلف ويحن قلبي واترجف لو واحده عينها تتطرف في النصب انا كنت محترف وبعترف من يوم ما شفتك قافل بيباني ومعتكف انسان جديد ومختلف ... ...

فيه شمس بتشّرَق وشمس بتغّرَب ايام بنتلاقي وبكره نتفرق وسنينا مشتاقه لشمس بتقرب واهي دنيا دواره وادينا بنجرب اقدار تجّمعنا لحاجات ليها معني من غير ما نتكلم فيه حد يسمعنا تلف دنيتنا نتوه ونتغرب ماشيين في سكتنا من غير ما نستغرب دنيا معاندانا و تملي واخدانا بين شمس بتفرق وشمس بتقرب ... ...

"اعمل شير " سياده الريس إيه أخبارك شربت القهوه وخدت فطارك صباح الخير في جبل الطير الرجاله قاموا بواجب علشان يفهم كل مشاغب ان بلدنا دي شعبين ازاي يعني نساوي ما بين شعب يصلي جوه الجامع ودول كفار بيصلوا في دير ... حتي لو كان دينه محبه يسامح حبه قلبه نضيف عمره ما عبا ولا جه مره داري وخبي ملناش دعوه إحنا بالغير الرجاله عملت خير حسب النص وخط السير لو شفت ان ده عدل وفير " fair " بلاش الرد واعمل شير " share " ...