حركة نيوباتريستيك الأرثوذكسية ما هي؟ وما أهميتها؟

في القرن العشرين، ظهر اتجاه جديد في اللاهوت الأرثوذكسي اسمه ”حركة النيوباتريستيك”، مجموعة من اللاهوتيين كانوا شايفين إن اللاهوت الشرقي محتاج يرجع لتعاليم آباء الكنيسة الأوائل لتجديد نفسه، والبعد عن تأثيرات فكر اللاهوت الغربي (اللاتيني) التي أثرت على الكنيسة لقرون.

البداية سنة 1936، “جورج فلوروفيسكي”، ده أسم بيرتبط دايما بحركة النيوباتريستيك، وكان من أوائل الناس إللي أخدت بالها إن الأرثوذكسية محتاجة ترجع لطريقة تفكير الآباء الأوائل.

فلوروفيسكي كان شايف إن الرجوع لآباء الكنيسة الأولي مش معناه إننا نكرر كلامهم بالحرف، ولكن إننا نعيش بنفس الروح إللي كانوا عايشين بيها، ونستفيد من تجربتهم الروحية في حياتنا.

زي ما قال: ”إتباع الآباء ليس أن نقتبس ونأخذ من كلامهم فقط، ولكن أن نكتسب عقلهم وطريقتهم في التفكير”.

مثلما الكاثوليك كانوا بيحاولوا يخلصوا اللاهوت الكاثوليكي من سطوة الفكر المدرسي (تعاليم العصر الوسيط المظلم في أوربا)، الأرثوذكس كمان كانوا بيعملوا نفس الحاجة، لكن من غير ما يرفضوا اللاهوت الغربي كله.

ايوة كان فيه نقد لبعض أفكار وممارسات الكاثوليك، بس النقد ده كان نقد بناء ومفيد لأي حوار حقيقي بين التقاليد المختلفة.

أغلب إللي شاركوا في تجديد اللاهوت الأرثوذكسي ماكانوش أصلًا ضد الغرب أو ضد التقارب بين الكنائس، لا جورج فلوروفسكي، ولا فلاديمير لوسكي، ولا دوميترو ستانيلاواي، ولا نيكولاس افاناسيف، ولا ألكسندر شميمن، ولا يوحنا مايندورف، ولا يوحنا زيزيولاس كانوا كده.

بل أكدوا إن دور اللاهوت الأرثوذكسي مش إنه يهرب من التقاليد الغربية، لكن إنه يشارك فيها بحرية ومسؤولية ووعي وانفتاح، و”إن اللاهوتي الأرثوذكسي لابد أن يظل جزء من الحوار اللاهوتي العالمي ولا ينعزل عنه”.

منقول بتصرف عن موقع:  آليثيا - نور المعرفة الأرثوذكسي