اشعار جورج عبد المسيح: التحرش

التحرش ... في البدايه كنت بلبس اللي احبه ومش هامنني شيك عليا ذوقه حلو وكان عاجبني كنت برجع كل يوم وكل هم الكون راكبني الوجع لساه تعبني هم دول عايشين معانا كل دي اسود جعانه عمري ما لبست الملزق ... ولا حبيت المحزّق ... عيب عليكم ع الاقل اتنين تلاته كل يوم لازم اهزأ ... لبسي واسع للنهايه كرهت نفسي في المرايه ولسه دول برضو ورايا ليه الرجال بقيت وحوش ما بيختشوش مبيرحموش ليه محدش حس بينا جه يحامي او يحوش مد ايدك واقتحمني نظرتك زي الرصاص وكلامك مش راحمني اوعي تستهون بردي الموضوع اصبح تحدي المره دي أنا مش لوحدي مش هطاطي مهما كنت جبان و واطي والموضوع مش راح يعدي ....