جورج عبد المسيح يكتب شعر: بعد ما لف قليل وكثير

بعد ما لف قليل وكتير بعد التوهه والمشاوير بعد الفرحه وبعد الهم بعد الشوق لناس تتلم لسه كان مليان حواديت والشخبطه ع الباب والحيط همس الريح وصوت العفاريت العصافير اللي علي الشباك والورد المليان أشواك والأشواق للمسه ايد وحب جديد والمواعيد صوت البمب والزغاريد وضحك عيال ولبس العيد سفرياته وهو وحيد قلبه مسكت فيه النار وتاه واحتار ولما فكر تاني يعود ملقاش حد هناك موجود شاف رسوماته وشاف شخابيط ودموع نازله فوق الحيط والشتاء ساكن جوه البيت ضاع العمر وهو اسير في الدوامه وفي المشاوير ...