وفي يوم خرج مرجعش !
لما رجعت لقيت مكانه في الصالة فاضي!
البيت سكاااات !
مش سامع صوته وهو بينادي
فين أبويا؟!
قالولي خرج الصبح بس مرجعش !
سافر يعني؟!
لأ مسافرش؟!
طب راح يعزي في حد مات؟!
علشان كده لابسين سواد؟!
ثانية واحدة! هو ليه البيت سكات؟!
قالوا لي أبويا مات!
مات؟! أنا أبويا مات؟!
طيب هيجي أمتي بعد ما مات؟!
مش هيجي؟!
لأ مبنفعش !
بعني أيه خرج مرجعش !
البيت يا أما ناقصه حاجة
البيت حاسه طعمه سادة
البيت سكات
البيت موات
طب صوته يرجع ولو لثانية
طب قولولي أروح له فين؟!
أروح له حتى في دنيا تانية
أبويا فينك مش بعادة
الدنيا يابا غمقت
الدنيا يابا طعمها بقي مر علقم
الدنيا يابا طعمها مر بس مر بزيادة
أرجع يابا مينفعش !
بيقولوا أبوك خرج مرجعش!
أنا أبويا كان كل يوم بييجي مبيتأخرش !
بس النهاردة أنا أبويا خرج مرجعش !
ببساطة كده!
من النهاردة أنا والدنيا بقينا وش في وش
من النهاردة لما أقع مفيش معلش
من النهاردة راح البراح
من النهاردة مليش جناح
أصل النهاردة أبويا خرج ومرجعش !
يا فتي
أطلق العنان لعقلك ما شئت من الخيال
وأطوي دروب الأرض كلها
وأعرف من الناس قدر ما رأيت من الرمال
وأنظر إلى السماء وبعدها
وأبحث عن يداً كيد أبيك لمست يديك
ستجد السماء أقرب لها!
