ندي باخوم تكتب : مريمٌ

مريم كانت مخطوبة لراجل بار عايشة فى مخافة الله هى و خطيبها النجار و فى يوم ظهرلها ملاك يبشرها بالخبر السار الرب اخترها من دون البنات علشان تكون والدة رب السماوات يوسف افتكرها غلطت و جابت العار و قرر انه يسيبها من سكات لكن ملاك الرب ظهرله فى المنام علشان يعطيه السلام يقوله ان الطفل المولود هو اللى كان من سنيين موعود علشان يشفى الالم و يسد الجوع و يكون للناس ينبوع و هيكون اسمه يسوع كانت العدرا عايشة بطهارة حياتها بتنور زى المنارة و فى وقت البشارة قالت كل الأجيال هطوبنى و رب المجد هيرفعنى و حان وقت ولادة المسيا المنتظر بس ماكنش فيه مكان غير فى مذود البقر و فى وقت قصير بعد الولادة ظهر ملاك الرب ليوسف قبل مايموت الطفل زى ما امر هيرودس كان لازم يهربوا على مصر علشان تكتمل الشهادة من مصر دعوت ابنى