في ناس رخصت نفسها
في ناس رخصت نفسها
وناس رخصتها الأيام
وناس الرخص عندها ...حلم من الأحلام
اللي رخص نفسه بقي ده غاوي بزيادة
الرخص عنده كيف ...تقدر تقول عادة
عارف أن تمنه كده والرخص ده إجادة
فاكر أن رخصه يبيع فبيرخص وبزيادة
أما اللي الرخص عنده حلم من الأحلام
يعيش بيحلم كده والرخص عنده غرام
رقاص في بحر النغم
تيس في بحر الغنم
وكل يوم بيعدي بيرخص مع الأيام
أما اللي رخصته الأيام غالي ولو تمنه رخيص
لا همه معني التمن ولا يفرق رأي خسيس
عايشها كده وماشي متعاجب
لا ليه تمن ولا عمره كان راغب
تقيل في نفسه كده ولا هزه ميت شارب
لا عمره فكر يرخص ولا ينفع يبقي رخيص.
وعجبي
