والشتا كان يومين وشوية مطر
والشتا كان يومين ساقعة وشوية مطر
فترة مستترة وراها نار صيف معتبر
وبلوڤر وكوفية
وشراب وبطانية
وشوية شاي وقعدة سمر
السهرة صباحي علي فيلم قديم بنشوفه للمرة الألف
الفجر شقشق مش بنام
ملناش لجام
الشتا كان دفا
وكان فيه ريحة شوارع حقيقي مش مترفة
لكن كان فيها حاجة
طعمها يتحس
أيه وصفها معرفش
ممكن تكون لحظات صفا
ممكن تكون ومضة نور أختفي
ممكن تكون لمة العيلة والزحمة والسهراية
ممكن تكون أي حاجة كانت فأمسي فأصبح
وشتا الحاضر برضه جميل
ليه نسايم كده في الليل
بتعمل ذكريات لبكره تفتكرها
زي ما بتفتكر شتا الزحمة والزفة والمواويل
الشتا يا صديقي فصل ببقلب عليك الذكريات
بيقلب دماغك تحت وفوق
بييفكرك بكل اللي فات
لياليه طويلة والنوم فيه عزيز
ملوش لجام
النهار يشقشق وأنت لم تنام
ذكريات سعيدة
ذكريات حزينة
وذكريات تغيظ
الشتا فصل بطعم اللي فات
فأطلق عنان الذكريات وحرر قيود الفكر تنطلق في الوادي
وأسمع همس ذكريات أياماً كنت قد عشتها في الماضي
