ماجي ماجد الراهب تكتب: نظرية لوحة الشخابيط

كتير مننا فاكر موقف عادل امام في الفيلم ساعة لما راح جاليري مع بنته وشاف لوحات الفن السريالي وقالها جملته الشهيره الي كلنا ضحكنا عليها دا اكيد الإنسان المعاصر بعد ماخد علي قفاة لكن في الحقيقه لو كل ... واحد منا تأمل نفسه بهدوء من الأخر كدا فصل من الناس وركز شويه هيلاقي جواه لوحة فن سريالي ( شوية شخابيط) بالمعني الدارج .. جوانا الوان كتير منها الصارخ ومنها الهادي والمتداخل والمتشابك زحمه والأفيه بيترجم واقعيا . وفي الحقيقه بقا الدوشه واللخبطة دي بتصنع جوانا عالم بيكون لوحه سرياليه والي بنشوفه او نلمسه في حياتنا انعاكس لينا علي لوحه بتدي الألوان الكتير الي بتكون احنا علشان كدا لما نقف قدام لوحه سرياليه لازم نبص فيها علي نفسنا ونقرها كويس لان فيها تفاصيل كتير بتصنع الصورة الكامله لحياتنا واحلامنا واهدافنا واياك تزعل انك مشخبط .. القلب بينبض ويتحرك جواك علشان تعيش .. ان تكون ديناميكا يعني ان تكون موجودا