د. نعمات موافي تكتب: حَمَاَّر.. وحلاَّوة.. يا بَطيخْ.. ويا رب ما تطلع قَرعة

يا ما ناس شعارها "القدر كالبطيخة"، من بره خضرة ومن جوه ممكن تطلع فضيحة، طول عمره ينقر ويخبط ويطبطب ويا رب تطلعي حمره يا شيخة، وساعات يقربها ويلزقها فى ودانه ويضغط بقوة عليها علشان يسمع لها أه أو صريخه.. والحقيقة دايماً اختياراتهم بتطلع قبيحة.. وعايشين عايمين في مَية البطيخة .. وعجبي .. وفى اليوم العالمي للبطيخ إللي بيوافق 3 أغسطس / أب من كل سنة، نفسي أقولكم أن فيه خطة إلهية لحياتنا، سبحانه ربنا وضعها بنفسه لكل بني البشر اسمها "الحياة الأفضل" وهو سبحانه اللي قال لنا عنها " أَتَيْتُ لِتَكُونَ لَكُمْ حَيَاةٌ وَلِيَكُونَ لَكُمْ أَفْضَلُ.". لأنه سبحانه هو اللى خلقنا على صورته وشبهه، أى على صورة الرحمن لنحيا حياته ونسلك فى العالم نتحلى بأخلاقه، يعني نحيا حياة المجد والبهاء، سماتنا المحبة والفرح والسلام، ونعيش حياتنا كما فى السماء كذلك على الأرض.. يعني حياتنا الأرضية تتحول لسماوية ومش بقدرتنا لكن بقدرة رب الحياة، لما نَفعل الجين الإلهي في أرواحنا ونوره .. ولا نطفئ روح الحياة، كده نحيا الإنسانية اللى أسمها صورة الرحمن .. مش بطيخ وبختك يا أبو بخيت، وأنت وحظك.. لأنه سبحانه وتعالَّ جعل فى كل واحد فينا موازين الذهب، اسمها "النفس البشرية" أى الذهن والمشاعر والإرادة الحرة، وعندما نُفعل انسانيتنا ونعيش صورة الرحمن التى خلقنا الله عليها، سنتمتع بالصحة الذهنية ورقة المشاعر وحرية الإرادة، وإللى عندها تتحطم كل القيود ونصنع المستحيلات، يومها ها نعرف نختار صح وأختياراتنا كلها تكون صحيحة ومش ها تكون حياتنا فضيحة ولا ضدنا ولسلامنا نطيحة.. ما تنساش فى اليومين الحر دُول، تشترى البطيخة لتأكلها مش علشان تشوف بختك وحظك فيها!!!! وعلي فكرة مش بس بالطبطبة والنقر ولا بالضغط عليها تختار البطيخة.. ممكن تسألها أنتي حمرا مرمله مسكره ولا قرعه مسيخه يا بطيخة.. هتقولك أحكم واختار الحياة الأفضل وسوف يعظم انتصارك بالذى أحبك.. دمتم بخير وبطيخكم أحمر مرمل مسكر .. تأكها بالهنا وأنت فى ملء الفرح والمحبة والسلام لتحيا مشيئة الرحمن كما فى السماء كذلك على ارضكم